PAG-IBIG O PAGKASUKLAM

para sa mga marunong umibig o magmahal... para sa mga baliw sa pag-ibig o pagmamahal... para sa mga may alam sa katagang ``mahal kita...`` o ``iniibig kita...`` at para sa mga nakaranas ng isang pag-ibig o pagmamahal na masasabing o sinasabing kabaliwan lamang ito... para sa inyo ang tulang ito...

Pag-ibig o pagkasuklam
Minsan may isang pangarap
Isang di makatutuhanang pangarap…
Na animo`y isang panaginip
Kay tamis, kay saya, kay gandang panaginip
Mayroong daw isang pag-ibig
Mayroon daw akong inibig na taga langit,
At bumaba siya sa lupa upang tugunin ang aking pagsinta
At aming pinagsaluhan ang ligaya`t saya
Buong mundo ay nagtataka, mga mata`y nangungusisa…
Isang tagalangit at isang taga lupa…
ngunit sa amin iyon ay balewala
sapagkat doon sa panaginip ko, wagas ang aming nadarama…
wala akong pinakinggan ni isang salita
lahat ng payo nilang kabutihan ko`y binalewala
o pag-ibig, o pag-ibig na makapangyarihan,
hahamakin ang lahat masunod ka lamang.
Buong mundo ko ay kay saya…
Buong paligid ko ay kay sigla…
Nagsisipamukadkad ang mga halaman…
Lahat ng ibon ay nagsisipag awitan
Na akala`y lahat, wala ng hangganan…
Mali ako, mali ang panaginip ko…
Hindi siya panaginip kundi isang bangungot
Na kayhirap takasan, kay hirap kalimutan
Matapos kong maisanla ang aking kaluluwa
Matapos kong maangkin ang luwalhati`t saya,
Nagbago siya… nagbago siya…
Naglaho siya na parang bola…
Kayhirap tanggapin, kay hirap isipin…
Kayhirap takasan, kay hirap limutin…
Ito marahil ang sukli ng aking kapalaluan,
Ng aking kasakiman, ng aking kahibangan….
Nagdurugo ang puso kong sawi,
Umiiyak naghihinagpis ang ang aking sarili
Nakahadusay,nakatulala sa isang tabi…
Pinipilit labanan ang kasawia`t pighati.
Pag-ibig, o pag-big na makapayarihan sa lahat
Baguhin mo ang tadhana ko`t ituro kong ano ang dapat…
Hahayaan na lang bang maupos ang aking lakas
O lalabanang limutin ang pag-ibig na di tapat
Bagamat sa anong paraan…
Linlangin ang aking nararamdaman
Palitan ang pag-ibig ng pagkasuklam…